អនាម័យ
ការងាររបស់អង្គការ Oxfam ក្នុងវិស័យអនាម័យគ្របដណ្តប់លើខ្សែសង្វាក់អនាម័យទាំងមូល ដោយចាប់ផ្តើមជាមួយនឹងការចោលកាកសំណល់ដោយការសាងសង់បង្គន់ និងតាមរយៈការចាក់ចោល ការដឹកជញ្ជូន និងការប្រព្រឹត្តិកម្មចុងក្រោយនៃលាមក ទឹកសំណល់ និងកាកសំណល់រឹង។ យើងខិតខំកែលម្អគុណភាពសេវាកម្មនៅជំហាននីមួយៗ រួមទាំងសក្តានុពលសម្រាប់កាកសំណល់ក្នុងការប្រើប្រាស់ឡើងវិញផងដែរ។ ការងារសំខាន់របស់យើងគឺការពិគ្រោះយោបល់ និងការធ្វើការជាមួយមនុស្សទាំងអស់ រួមទាំងអ្នកដែលងាយរងគ្រោះបំផុត ដើម្បីធានាថាពួកគេមានសិទ្ធិចូលប្រើប្រាស់សេវាអនាម័យដោយសុវត្ថិភាព និងស្មើភាពគ្នា ទាំងដើម្បីការពារសុខភាពសាធារណៈ និងដើម្បីរក្សាសេចក្តីថ្លៃថ្នូរ។
